ریاست اترپردیش کے بارہ بنکی کے دھان خرید مراکز پر بدنظمی اور بدعنوانی کے الزامات کے درمیان ضلع مجسٹریٹ ڈاکٹر آدرش سنگھ نے کسانوں سے اپیل کی ہے کہ وہ دھان فروخت کرنے کے لیے بچولیوں کے چکر میں نہ پڑیں۔
دھان خرید مرکز پر دوشنبہ کو ہوئے ہنگامے پر انہوں نے کہا کہ وہ کسی خاص شخص یا تنظیم کے لئے ذمہ دار نہیں ہیں۔
واضح ہو کہ دوشنبہ کو کسانوں نے شہر کے نوین منڈی واقع دھان خرید مرکز پر بدنظمی اور بدعنوانی کا الزام عائد کرتے ہوئے ضلع مجسٹریٹ کے خلاف نعرے بازی کی تھی، ضلع مجسٹریٹ ڈاکٹر آدرش سنگھ نے بتایا کہ تمام مراکز پر حکومت کی ہدایت پر دھان خرید کی جا رہی ہے۔
تمام کسانوں کو پہلے آؤ، پہلے پاؤ کی بنیاد پر ٹوکن تقسیم کیے جا رہے ہیں، حکومتی ہدایت پر کمزور، معزور اور خواتین کسانوں کا فوراً دھان خریدا جا رہا ہے۔ اس لیے انہوں نے کسانوں سے اپیل کی کہ وہ بچولیوں کے چکر میں نہ پڑیں، ان کی جواب دہی تمام کسانوں کے تئیں ہے، کسی خاص شخص یا کسی خاص تنظیم سے نہیں ہے، انہوں نے یقین دہانی کرائی ہے کہ تمام کسانوں کا دھان خریدا جا رہا ہے۔
