ریاست اتر پردیش کے ضلع میرٹھ میں سماجی تنظیم اور 'سنیوکت ویاپار سنگھ' کی مشترکہ کوششوں سے میرٹھ کے میڈیکل کالج میں دوسرے علاقوں کے زیر علاج کورونا مریضوں کے تیمارداروں کی پریشانیوں کے پیش نظر قریب ایک ماہ سے صبح و شام کھانا تقسیم کیا جا رہاہے۔ ساتھ ان کو انفیکشن سے بچانے کے غرض سے سینی ٹائزر بھی مہیا کرایا جا رہا ہے۔
اس موقع پر اسمبلی رکن نے ان کی اس پہل کی تعریف کرتے ہوئے کہا کہ ایسے موقع پر تمام لوگوں کو ایک دوسرے کی مدد کے لیے آگے آنے کی ضرورت ہے۔جس سے اس مشکل وقت کا مقابلہ کیا جا سکے۔
میرٹھ میں جس طرح سے کورونا کیسز میں اضافہ ہو رہا ہے، اس کے مد نظر ضلع کے میڈیکل کالج میں بھی مریضوں کی تعداد غیر معمولی اضافہ ہو رہا ہے۔
انہوں نے کہا کہ ایسے حالات میں مریضوں کے تیمارداروں کے لیے کھانے کے ساتھ ساتھ ان کو انفیکشن سے بچانے کے لیے پانی اور سینی ٹائزر کی تقسیم قابل ستائش ہے۔
