ریاست اترپردیش کے شہر بارہ بنکی میں سماجی تنظیم 'یوا پرگتی سنستھان' نے ضلع ہسپتال میں مریضوں کو پھل تقسیم کیے اور ان کے جلد از جلد صحت یاب ہونے کی دعا کی۔
جمعہ کی صبح 'یوا پرگتی سنستھان' کے صدر فراز احمد کی قیادت میں ضلع ہسپتال کی تنظیم کے تمام اراکین ضلع ہسپتال پہنچے اور مریضوں میں پھل تقسیم کیا۔
واضح ہے کہ ضلع ہسپتال کے بلڈ بینک کے انچارج ایس کے شکلا، ہسپتال کے چوکی انچارج اور ہسپتال کے دیگر افسران کے ساتھ سب سے پہلے انہوں نے ایمرجنسی اور ٹراما سینٹر میں موجود تمام مریضوں کو پھل تقسیم کیے۔
اس کے بعد جنرل وارڈ اور آخر میں زنانہ ہسپتال میں مریضوں میں پھل تقسیم کیا گیا۔
اس موقع پر ضلع ہسپتال کے تمام افسران نے یوا پرگتی سنستھان کے صدر فراز احمد اور ان ٹیم کی ستائش کی اور ایسے خاص موقع پر مریضوں کی تیمارداری کو اشد ضروری بتایا اور سماج کے دیگر افراد سے بھی اس سمت آگے آنے کی اپیل کی۔
