ریاست اترپردیش کے بارہ بنکی میں ضلع مجسٹریٹ ڈاکٹر آدرش سنگھ اور پولیس سپریٹینڈنٹ ڈاکٹر اروند چترویدی کووڈ-19 کے پیش نظر ماسک اور گاڑیوں کی چیکنگ کر رہے تھے اسی درمیان وہاں موجود دونوں پیروں سے معذور محمد حسیب پر ضلع مجسٹریٹ آدرش سنگھ کی نگاہ پڑی۔ انہوں نے فوراً اپنے سکریٹری کو معذور سے بات کرنے کو کہا۔
ویڈیو
اس دوران مسولی بلاک کے امدہا گاؤں کے رہنے والے معذور حسیب نے اپنی پریشانیاں بیان کرتے ہوئے کہا کہ دو برس قبل اسے ٹرائی سائیکل ملی تھی جو اب ٹوٹ گئی ہے. اس کے بعد ضلع مجسٹریٹ نے حسیب کو ٹرائی سائیکل دئے جانے کی یقین دہانی کرائی۔ وہیں پولیس سپریٹینڈنٹ نے معذور کو فوراً سو روپے دئے اور رکشہ سے بس اڈے کے لئے روانہ کیا ۔
