کامن سول کوڈ پر فیصلہ عوام کی تجاویز پر ہوگا: دنیش شرما

ریاست اترپردیش کے نائب وزیراعلیٰ اور بی جے پی کے سینیئر رہنما دنیش شرما نے واضح کیا ہے کہ 'کامن سول کوڈ پر فیصلہ لوگوں کی تجاویز پر ہوگا۔ اس کے علاوہ انہوں نے یہ بھی واضح کر دیا ہے کہ یوپی میں این آرسی نافذ کرنے کا ابھی کوئی منصوبہ نہیں ہے۔'

دنیش شرما نے نامہ نگاروں کے ساتھ گفتگو کے دوران واضح کیا ہے کہ 'کامن سول کوڈ پر ابھی کوئی فیصلہ نہیں ہوا ہے۔'

انہوں نے کہا کہ 'بی جے پی عوام کی تجاویز پر کام کرنے والی پارٹی ہے۔ وقتآ فو وقتآ اس مسئلے پر تجاویز آتی ہیں۔ بی جے پی ان تجاویز کا جائزہ لینے کے بعد اس مسئلے پر غور کرے گی۔'

ہریانہ اور اتراکھنڈ میں این آرسی پر حکومت کے بیان آنے کے بعد اس مسئلہ پر جب یوپی حکومت کی منشہ جاننے کا سوال کیا گیا تو دنیش شرما نے واضح کر دیا کہ 'یوپی میں این آرسی نافذ کرنے کی ابھی کوئی منشا نہیں ہے۔'

آسام کے نتائج دیکھنے کے بعد ہی اس پر غور کیا جائے گا۔

دنیش شرما نے اپنی حکومت کے دوران ایک بھی فرقہ وارانہ فساد نہ ہونے کو اپنی سب سے بڑی کامیابی بتایا۔