ریاست اترپردیش کے نائب وزیر اعلی کیشو پرساد موریہ آج ضلع امروہہ پہنچے جہاں انہوں نے نوگاوا اسمبلی کے سابق رکن اسمبلی اور سابق کابینہ کے وزیر چیتن چوہان کی موت کے بعد ان کے نام پر حسن پور اتراسی سڑک کا نام چیتن چوہان روڈ رکھا۔
اس کے ساتھ ہی انہوں نے پی ڈبلیو ڈی کی کروڑوں روپے کی اسکیموں کا افتتاح بھی کیا۔
صحافیوں سے گفتگو کرتے ہوئے نائب وزیر اعلی کیشو پرساد موریہ نے کہا کہ لوگوں نے آج تک ہر انتخاب میں بھارتیہ جنتا پارٹی (بی جے پی) کو اپنی دعاؤں سے نوازا ہے۔ اسی طرح انہیں 2020 کے ضمنی انتخاب میں بھی عوام کی دعا چاہئے۔
انہوں نے کہا کہ اترپردیش حکومت دبنگ اور مافیا کے خلاف کارروائی کرتی رہے گی اور عوام ایک بار پھر دوسری سیاسی پارٹیوں کو نکارتے ہوئے بی جے پی کا انتخاب کریں گے۔
کیشو پرساد موریہ نے کہا کہ تمام سیاسی جماعتیں صرف کسانوں کو گمراہ کرنے کی کوشش کر رہی ہیں۔ لیکن اس سے حزب اختلاف کو کوئی فائدہ نہیں ہوگا۔ زرعی اصلاحات بل ہر کسان کی زندگی میں خوشحالی لائے گی اور وزیر اعظم نریندر مودی کسی کو تکلیف نہیں ہونے دیں گے۔
اترپردیش کابینہ کے سابق وزیر چیتن چوہان کے نام پر 75 کروڑ روپے کی لاگت سے ضلع کی 44 سڑکوں کے لیے سنگ بنیاد رکھی گئیں ہیں۔ ضمنی انتخاب کے موقع پر بی جے پی کارکنان سے ملاقات نوگاوا سادات اسمبلی میں ہونا ہے۔
