سہارنپور پٹرول اور ڈیزل کی بڑھتی قیمتوں کو لیکر لوگوں میں شدید ناراضگی پائی جارہی ہے۔ پٹرول و ڈیزل کی قیمتوں میں زبردست اضافہ کے سبب دیگر اشیائے خوردنی کی قیمتوں میں بھی مسلسل اضافہ ہو رہا ہے۔ جس کو لیکر دیوبند کے لوگوں میں غصہ ہے، لوگوں نے اپنے غصہ کا اظہار کرتے ہوئے کہا کہ حکومت نے ووٹ لیتے وقت کہا تھا کہ مہنگائی کم کریں گے لیکن مہنگائی کم کرنے کے بجائے مہنگائی میں بے تحاشہ اضافہ ہورہا ہے۔
شہر کے ایک پٹرول پمپ پہنچ کر ای ٹی وی بھارت کے نمائندے نے عام لوگوں سے بات کی۔ جس میں لوگوں نے کہا کہ بی جے پی کے دور میں مہنگائی کئی گنا بڑھ گئی ہے، اس حکومت نے مہنگائی کم کرنے کاوعدہ کیا تھا لیکن مہنگائی میں مسلسل بے تحاشہ اضافہ ہورہا ہے۔
یہ بھی پڑھیں: 'بی جے پی نے پنچایت انتخابات میں جمہوریت کا مذاق اڑایا' اکھلیش یادو
پٹرول، ڈیزل اور گیس کی قیمتوں کے خلاف کانگریس کا احتجاج و مظاہرہ
