علی گڑھ: ریاست اترپردیش اردو ٹیچرس ایسوسی ایشن علی گڑھ کے سرپرست کنور نسیم شاہد نے اترپردیش کے وزیر تعلیم سندیپ سنگھ سے ملاقات کرکے انہیں ریاست اترپردیش کے وزیر اعلی یوگی آدتیہ ناتھ کے نام ایک گیارہ نکاتی عرضداشت پیش کیا جس میں کہا گیا کہ وزیر اعظم کے ''سب کا ساتھ-سب کا وکاس اور سب کا اعتماد'' کے نعرے کے تحت ریاست اترپردیش کی دوسری سرکاری زبان اردو کی ترقی کے لیے ہمارے مطالبات درج ذیل ہیں۔
ریاست کے پرائمری اور جونیئر اسکولوں میں خالی آسامیوں پر کم از کم 20 ہزار اردو اساتذہ کی تقرری کی جائے اور دیگر محکموں میں 5 ہزار اردو مترجموں کی بھرتی کی جائے۔ اترپردیش کے تمام مسلم اکثریتی علاقوں کے پرائمری اسکولوں میں سکچھا مترا کی طرز پر اردو کی بھرتی، تاکہ اردو زبان کی ترقی ہو اور کچھ جوانوں کو روزگار ملے۔ اردو پڑھنے والے تمام طلباء کو ہر اسکول میں کتابیں فراہم کی جائیں۔ تمام بنیادی تعلیمی افسران کو ہدایت کی جائے کہ وہ مسلم طلباء کے داخلہ رجسٹر میں اپنی مادری زبان اردو میں درج کریں، اردو اساتذہ صرف ان اسکولوں میں تعینات کیے جائیں جہاں اردو پڑھنے والے بچے موجود ہوں۔
یوپی میں ہر بیسک ایجوکیشن آفیسر کے دفتر میں ایک اردو مترجم کا تقرر کیا جائے تاکہ دوسری سرکاری زبان اردو میں خط و کتابت کی جا سکتی ہے۔ کونسل کے سکولوں میں جو کاروائی کی جارہی ہے اس میں اردو زبان کو جگہ دی جائے۔ ہائی کورٹ کے حکم کے مطابق اساتذہ کو صرف تدریسی کام کرنے کا پابند بنایا جائے۔ اردو کونسل کے اسکولوں میں اردو زبان کی اشاعت صرف یو پی اردو اکیڈمی، لکھنؤ میں کی جائے، تاکہ مہلک غلطیوں کو روکا جا سکتا ہے۔ عیدالفطر اور عیدالاضحیٰ کی چھٹی پہلے کی طرح 2 دن اور جمعۃ الوداع کی ایک چھٹی کی جائے۔ اتر پردیش کے تمام نجی اور ثانوی اسکولوں میں صفائی کرنے والوں کی تقرری کی جانی چاہیے۔ کنور نسیم شاہد نے کہا کہ ہم نے میمورینڈم کے ذریعہ متعدد مطالبات کئے ہیں اور ہمیں اُمید ہے کہ حکومت اپنے سب کا ساتھ سب کا وکاس نعرے کے بعد اس پر عمل پیرا ہوگی۔
مزید پڑھیں: لا فیکلٹی، اے ایم یو کے زیر اہتمام قومی سمینار
واضح رہے کہ فروری ماہ میں ریاست اترپردیش اردو ٹیچرس ایسوسی ایشن علی گڑھ کی جانب سے علیگڑھ نمائش میں اردو اساتذہ کی کانفرنس کا انعقاد کیا گیا تھا جس کے دوران اردو اساتذہ سے متعلق دس نکاتی میمورنڈم وزیر اعلی کے نام مہمان خصوصی چندر پال، ریٹائرڈ آئی اے ایس کو دیا گیا۔ جس میں بھی 20 ہزار اردو اساتذہ کی تقرری کا مطالبہ کیا گیا تھا۔
