مرادآباد سے سماجوادی پارٹی سے رکن پارلیامان ڈاکٹر ایس ٹی حسن کا ایک بیان سامنے آیا ہے، جس میں انہوں نے کہا کہ اس وقت ایسا لگتا ہے کہ ملک میں ایسی طاقت کام کر رہی ہے جو ہمارے ملک کا ماحول خراب کرنا چاہتی ہے اور ہندو مسلم میں نفرت کرانا چاہتا ہے۔ چاہے وہ سیاسی ہو یا کوئی اور شر پسند عناصر اور میرا انتظامیہ کے تمام افسران سے یہی کہنا ہے کہ وہ جڑ تک جائیں، ان طاقتوں کو کہاں سے حکم دیا جا رہا ہے جو ملک کو کمزور کرنے کی کوشش کر رہے ہیں۔S T Hasan On Gyanvapi Masjid
گیانواپی مسجد معاملے پر بات کرتے ہوئے ایس ٹی حسن نے کہا کہ تمام معاملات عدالت کے زیر غور ہیں، عدالت جو بھی فیصلہ کرے گی، سب اسے قبول کریں گے، گیانواپی مسجد میں جاری سروے پر پوچھے گئے اسی سوال پر ایس پی رہنما نے خود کو الگ کرلیا۔انہوں نے کہا کہ وہ اس پر تبصرہ نہیں کرنا چاہتے، اویسی کے بیان پر پوچھے گئے اسی سوال پر انہوں نے کہا کہ وہ اس تنازعہ میں نہیں پڑنا چاہتے، وہیں تاج محل کیس میں پوچھے گئے سوال پر انہوں نے کہا کہ کل کوئی آئے گا اور کہے گا کہ میرے گھر میں بنے تہہ خانے میں کوئی راز ہے تو کیا آپ سب کے سامنے کھولیں گے؟ سب جانتے ہیں کہ تاج محل کس نے بنایا ہے۔
یہ بھی پڑھیں: Owaisi on Gyanwapi Mosque Survey: 'گیانواپی مسجد معاملے میں وزیراعظم اپنی دستوری ذمہ داری نبھائیں'
