صوفی اسلامک بورڈ نے پی ایف آئی پر پابندی عائد کرنے کا مطالبہ کیا ہے۔
ریاست اتر پردیش کی دارلحکومت لکھنؤ کے پریس کلب میں صوفی اسلامک بورڈ نے پریس کانفرنس کی۔
اس میں صوفی بورڈ کے جنرل سیکرٹری شاہ سید حسنین بقائی نے صحافیوں سے بات چیت دوران بتایا کہ 'پی ایف آئی' مسلم نوجوانوں کا 'برین واش' کر کے غلط راہ دکھایا جا رہا ہے۔
لہذا اس پر فوراً پابندی عائد ہونی چاہئے۔
شاہ سید حسنین نے کہا کہ پالولر فرنٹ آف انڈیا (پی ایف آئی) ٹریننگ کیمپ لگا کر مسلمانوں کو گمراہ کر رہے ہیں۔
انہوں نے کہا کہ شہریت ترمیمی قانون کے خلاف احتجاج پی ایف آئی نے خون خرابہ کروایا ہے۔
پریس کانفرنس میں بتایا گیا کہ پی ایف آئی مسلم نوجوانوں کا 'برین واش' کرتے ہیں، اس کے بعد انہیں جہاد کے نام پر، اسلام کے نام پر ورغلاتے ہیں۔
آل انڈیا صوفی سجادگان کے چئیر مین نصیر الدین سے کہا تھا کہ آپ مسلمانوں کی آواز کو خاموش کروا رہے ہیں۔
مزید پڑھیں:بارہ بنکی: حج فیسلیشن سینٹر کا افتتاح
اتنا ہی نہیں اس تنظیم نے صوفی بورڈ کے ذمہ داران کو جان سے مارنے کی بھی دھمکی دی تھی۔
سید حسنین نے کہا کہ ہم اتر پردیش کے وزیر اعلی یوگی آدتیہ ناتھ سے مطالبہ کرتے ہیں کہ وہ جلد سے جلد پی ایف آئی جیسی تنظیم پر پابندی عائد کریں اور اس کے سبھی دفاتر پر چھاپے مارے۔
قابل ذکر ہے کہ صوفی اسلامک بورڈ پہلے آل انڈیا مسلم پرسنل لا بورڈ پر بھی پابندی کا مطالبہ چکی ہے۔
صوفی اسلامک بورڈ کے جنرل سیکرٹری کا کہنا ہے کہ ہمارے پاس پی ایف آئی کے خلاف پختہ ثبوت ہیں۔
