ریاست اتر پردیش کے ضلع جونپور میں شیعہ عالم دین و جامعہ امام جعفر صادق کے مینیجر مولانا صفدر حسین زیدی نے معروف شیعہ عالم دین ڈاکٹر کلب صادق کو وزارت داخلہ کی جانب سے بعد از مرگ پدم بھوشن دیئے جانے پر حکومت کا شکریہ ادا کرتے ہوئے بھارت رتن دینے کا مطالبہ کیا۔
ای ٹی وی بھارت سے بات کرتے ہوئے شیعہ عالم دین مولانا صفدر حسین زیدی نے کہا کہ مرحوم ڈاکٹر کلب صادق ایک بہترین انسان تھے، وہ ہمیشہ انسانیت کو سکون پہنچانے اور ان کی فلاح و بہبود کے لئے کوشاں و فکرمند رہتے تھے۔
انہوں نے کہا کہ مولانا نے اس بات کو محسوس کیا کہ ہمارے معاشرے میں تعلیم کی کمی ہے اور ضرورت مندوں کو علاج و معالجہ کے لئے کافی پریشانیوں کا سامنا کرنا پڑتا ہے۔
اس کے لئے غیر مسلم شیعہ سنی تمام کو ساتھ لیکر اقدام کرتے رہے اور کامیاب بھی ہوئے۔
مزید پڑھیں:
ڈاکٹر کلب صادق کو پدم بھوشن دینے پر حکومت کا شکریہ: مولانا خالد رشید فرنگی
انہوں نے حکومت کے اس فیصلے کا استقبال کرتے ہوئے کہا کہ ہمارا مطالبہ ہے کہ انہیں بھارت رتن سے نوازا جائے کیونکہ ہمہ وقت ان کا ایک ہی ہدف تھا کہ ہم جہالت و غربت کو ختم کر دیں اس کے لئے وہ ہر طبقہ کے لوگوں کے ساتھ بلا امتیاز کھڑے رہتے تھے۔
