تفصیلات کے مطابق گزشتہ دنوں دہلی میں ایک نو سالہ بچی کے ساتھ اجتماعی جنسی زیادتی کا معاملہ سامنے آیا تھا۔ مندر کے پجاری اور اس کے چار ساتھیوں نے بچی کے ساتھ جنسی زیادتی کی اور اس کا قتل کر کے اس کو جلا نے کی کوشش کی۔
اس معاملہ میں پورے ملک میں احتجاجی مظاہرے ہورہے ہیں۔ اسی کے تحت سہارنپور میں بھی بھیم آرمی اور آزاد سماج پارٹی کے کارکنان نے گاندھی پارک سے گھنٹہ گھر تک کینڈل مارچ نکالا گیا۔
یہ بھی پڑھیں: معصوم کے ساتھ ہوئی جنسی زیادتی کی تحقیقات کرائم برانچ کے سپرد
اس دوران مظاہرین نے کہا کہ جس طریقہ سے کچھ تنظیمیں مندر کے پجاری کے مرنے پر پورے ملک میں ہنگامہ آرائی کرتی ہیں اور سرکاری جائیداد کو آگ لگانے کا کام کرتے ہیں، مگر آج ایک غریب دلت بچی کے ساتھ جنسی زیادتی کی گئی اور اسے قتل کیا گیا مگر آج وہ سب تنظیمیں خاموش ہیں۔ اس سے صاف ظاہر کہ وہ بی جے پی کے اشارے پرکام کرنے والی تنظیمیں ہیں اور ملک کے اندر افرا تفری پھیلانے کا کام کرتے ہیں۔' جبکہ بھیم آرمی اور آزاد سماج پارٹی بہو، بیٹیوں کو عزت دینے کا کام کرتی ہے اور جب تک قصورواروں کو پھانسی نہی دی جاتی بھیم آرمی اور آزاد سماج پارٹی پورے ملک میں اس طرح کا احتجاجی مظاہرہ کرتی رہے گی۔
