ساتھ ہی انہوں نے دعویٰ کیا کہ 12 مئی سے شروع ہونے جا رہی ریلوے خدمات بھی کانگریس کے دباؤ کا ہی نتیجہ ہے۔ اس کے علاوہ انہوں نے پی ایم کئیر فنڈ کی رقم بھی عام کرنے کا مطالبہ کیا ہے۔
بارہ بنکی میں ضلع کانگریس کمیٹی کی جانب سے مزدوروں کی خدمت کے لئے چلائی جا رہی سانجھی رسوئی کا معائنہ کرنے آئے اجئے کمار للو نے نامہ نگاروں سے گفتگو کرتے ہوئے کہا کہ یہ حکومت مزدور مخالف ہے۔
سڑکوں پر پیدل، سائیکل اور دیگر ذرائع سے آتے جاتے مزدوروں نے حکومت کے دعؤں کی پول کھول دی ہے۔ انہوں نے الزام لگایا کہ جس وقت مزدوروں کو حکومت کی سب سے زیادہ ضرورت تھی۔ اس وقت حکومت نے ان کا ساتھ چھوڑ دیا۔
وہیں انہوں نے 12 مئی سے شروع ہونے والی ٹرینوں پر اجئے کمار للو نے کہا کہ یہ فیصلہ بھی کانگریس کے ہی دباؤ میں لیا گیا ہے۔
انہوں نے کہا کہ جس وقت کانگریس نے مزدوروں کے کرائے کو دینا شروع کیا، اسی دن سے ٹرین چلیں اب اور بھی ٹرین چلنے والی ہیں۔
پی ایم کیئر فنڈ پر للو نے کہا کہ جب وزیراعظم نے اس وباء کے دوران ملک کے عوام سے چندہ لیا ہے تو عوام کو یہ جاننے کا حق ہے کہ اس پیسے کا کیا ہوا۔
اسلئے وزیراعظم کو پی ایم کیئر فنڈ کی رقم کا اعلان کرنا چاہئے۔ اس دوران انہوں نے لاک ڈاؤن کی حمایت کی، لیکن حکومت پر ٹیسٹ نہ کرنے اور اعداد و شمار چھپانے پر کا بھی الزام عائد کیا۔
