حکومت ہند کی جانب سے خواتین کو با اختیار بنانے کی مہم کے تحت مختلف طریقوں سے خواتین کو بیدار کرنے کے لیے تقریبات کا انعقاد جاری ہے اور 8 مارچ کو بھی خصوصی تقاریب منعقد کی جائے گی کیوں کہ 8 مارچ کو عالمی یوم خواتین منایا جاتا ہے۔
رامپور ضلع میں بھی یوم خواتین کا اہتمام کیا جا سکے اس تعلق سے ضلع انتظامیہ رویندر مندار کی صدرات میں ضلع کے اعلیٰ افسران کی میٹنگ منعقد کی گئی جس میں فیصلہ لیا گیا کہ ضلع کی تمام تحصیلوں اور سرکاری اداروں میں عالمی یوم خواتین کی مناسبت سے مختلف پروگراموں کا اہتمام کرکے خواتین کی عزت و احترام کے لیے سماج کو بیدار کیا جائے گا۔
ڈی ایم رویندر مندار نے یوم خواتین کی مبارکباد پیش کرتے ہوئے پیغام جاری کرکے کہا کہ حکومت کی جانب سے خواتین کو با اختیار اور انہیں خود کفیل بنانے کی جانب کوششیں چل رہی ہیں۔ یوم خواتین کے موقع پر بھی ضلع بھر میں خصوصی پروگرامز کا اہتمام کرکے اس سمت میں مزید تیزی لائی جائے گی۔
