علی گڑھ: ریاست اترپردیش کے ضلع علی گڑھ تھانہ سول لائن کے علاقے میڈیکل روڈ رفا پیلیس کے رہائش تاجر ندیم جلیل خان نے قرض میں ڈوبے ہونے سے پریشان آکر گزشتہ شب خود کو سر میں اپنی ہی لائسنس والی بندوق سے گولی مار کر خودکشی کرلی۔ واقعے کے بعد علاقے میں کہرام مچ گیا اور اطلاع ملتے ہی علاقے کی پولیس موقع پر پہنچ گئی۔ پولیس نے باڈی کو قبضے میں لے کر پوسٹ مارٹم کے لیے بھیج دیا ہے۔
پورے معاملے کی معلومات دیتے ہوئے کانگریس لیڈر سلمان امتیاز نے کہا کہ متوفی ندیم ایک تاجر تھا اور اس پر ڈھیروں سارے قرض تھے، جس کی وجہ سے اس نے اپنی لائسنسی بندوق سے خود کو گولی مار کر خودکشی کرلی۔ غور طلب ہو کہ سوسائڈ نوٹ کے مطابق قرضے کا ذمہ دار ندیم نے خود اپنے آپ کو بتایا ہے، ندیم نے قرض کی وجہ سے خاندان والوں کو پریشان نہیں کرنے کی بھی اپیل کی گئی ہے۔
یہ بھی پڑھیں:
- علی گڑھ میں غُربت سے تنگ آکر ماں اور دو بیٹیوں کی خُودکشی
- اے ایم یو کے سابق طالب علم مراد اسرائیلی حملے میں زخمی
اس بارے میں سرکل آفیسر اشوک کمار نے بتایا کہ کاروبار میں قرض کی وجہ سے تاجر نے خود کشی کی ہے، اس نے اپنی ہی لائسنس والی بندوق سے سر پر گولی مار لی ہے۔ واقعہ کی اطلاع ملتے ہی پولیس موقع پر پہنچ گئی۔ فی الحال باڈی کو پوسٹ مارٹم کے لیے بھیج دیا گیا ہے۔ واضح رہے کہ متوفی تاجر نے خودکشی کرنے سے پہلے ایک سوسائڈ نوٹ چھوڑا تھا جس میں خودکشی کی وجہ بتائی گئی تھی۔ موقع سے سوسائڈ نوٹ اور بندوق کو قبضے میں لے لیا گیا ہے۔
