گریٹر نوئیڈا: ریاست اترپردیش کے ضلع نوئیڈا کے گریٹر نوئیڈا کے سیکٹر 39 کے سرکاری ہسپتال میں لواحقین کی پریشگانیاں دیکھنے کو ملیں۔ ایڈیشنل ڈی سی پی شکتی موہن اوستھی ان کے درمیان موجود رہے لواحقین 50 لاکھ روپے کا معاوضہ کی مانگ کر رہے ہیں۔کمپنی کے ذمہ داران ایمبولنس کی بھی خدمات حاصل کرنے میں بھی ناکام رہے تھے بلکہ چھوٹا ہاتھی گاڑی میں اٹھا کر ان لوگوں کو ہسپتال پہنچایا گیا تھا ۔ادھے گھنٹے تک انتظار کیا جاتا رہا جس سے ان کی طبیعت مزید خراب ہوتی گئی۔
اس سے قبل بھی مزدوروں نے حکام سے لفٹ میں تکنیکی خرابی کی شکایت کی تھی۔ اس کے باوجود نہ تو لفٹ کو تبدیل کیا گیا اور نہ ہی مرمت کی گئی۔ سی ایم یوگی آدتیہ ناتھ کے دفتر کی طرف سے سوشل میڈیا پر جاری ایک پیغام میں حادثے میں جانی نقصان پر گہرے رنج و غم کا اظہار کیا گیا۔ تعزیت کا اظہار کرتے ہوئے زخمیوں کو علاج معالجے کی سہولیات فراہم کرنے اور ذمہ داروں کے خلاف سخت کارروائی کی ہدایت کی گئی۔
گریٹر نوئیڈا ویسٹ کے ٹیک زون-4 میں واقع امرپالی کی تعمیراتی سائٹ پر مزدوروں کی زندگیوں سے کھیلا جا رہا تھا۔ مختلف ٹیمیں حادثے کی وجوہات کی تحقیقات کر رہی ہیں۔ پولیس کی ابتدائی تفتیش اور مزدوروں سے پوچھ گچھ میں سنگین غفلت سامنے آئی ہے۔ مزدوروں نے بتایا کہ حادثے کا شکار ہونے والی لفٹ بہت پرانی اور خستہ حال تھی۔ تکنیکی خرابیوں کی وجہ سے پہلے ہی ٹوٹ چکا تھا۔ اس میں سوار ہوتے ہوئے ہر وقت حادثے اور جانی نقصان کا اندیشہ رہتا تھا۔ اس کی جانکاری پراجیکٹ حکام کو بھی دی گئی۔ لیکن نہ تو تعمیراتی کمپنی اور نہ ہی این بی سی سی کے عہدیدار نے مزدوروں کی بات سنی۔
