امروہہ: نوجوان کی لاش درخت سے لٹکی ہوئی ملی

امروہہ ضلع کے سیدنگالی تھانہ علاقہ میں ایک نوجوان کی مشتبہ حالات میں موت ہوگئی۔ اس نوجوان کی لاش درخت سے لٹکی ہوئی ملی ہے۔ پولیس نے اطلاع پر پہنچ کر لاش کو درخت سے اتارا اور پنچنامہ بھرا اور پوسٹ مارٹم کے لئے بھیج دیا ہے۔

ریاست اتر پردیش کے امروہہ ضلع کے سیدنگالی علاقے کے گاؤں حسین پور میں اپنے ہی گاؤں کے کھیت میں آکاش نام کے نوجوان کی لاش درخت سے لٹکی ہوئی ملی ہے۔ اطلاع ملنے پر پولیس نے لاش درخت سے اُتار کر پوسٹ مارٹم کے لئے بھیج دی ہے۔

آکاش کے والد چندرویر کا کہنا ہے کہ اس کا بیٹا کھیت میں پانی چلانے گھر سے آیا تھا، لیکن وہ زیادہ دیر تک گھر نہیں لوٹا۔ تب آکاش کو دیکھنے وہ کھیت پر آئے، جہاں اُنہیں ایک درخت پر آکاش کی لاش لٹکی دکھائی دی۔

اس پورے معاملے میں حسن پور سرکل افسر ستیش چند پانڈے نے بتایا کہ،' لاش کو پوسٹ مارٹم کے لیے بھیجا گیا۔ تفتیش کی جارہی ہے۔'