ریاست اترپردیش کے بپرائچ میں حضرت سید سالار مسعود غازی رحمۃاللہ علیہ کی درگاہ پر تین روزہ بسنت میلے کے اختتام کے موقع پر عقیدت مندون نے کافی تعداد میں شرکت کی۔
اس میلے میں آۓ ہوۓ عقیدت مندوں نے آستانہ پر پھل، پھولوں کے ساتھ ساتھ کھچڑی پر بھی فاتحہ کراکر غرباء و مساکین میں تقسیم کی۔ ساتھ ہی ساتھ اس میلے میں کشتی کا بھی انعقاد کیا گیا تھا، جس میں مقامی پہلوان کے علاوہ بیرونی پہلوانوں نے بھی اپنے زور آزمائش کی
انتظامیہ کمیٹی کے صدر سید شمشاد احمد ایڈووکیٹ نے اس بسنت میلے کے بعد آنے والا جیٹھ میلے کی تاریخ طے کرتے ہوئے کہا کہ جیٹھ کا میلہ 14مئی سے 14 جون تک منعقد کیا جائے گا۔
واضح رہے کہ اس میلے میں کسی بھی طرح کی بدنظمی نا ہو اس کے لئے انتظامیہ نے ہر ممکن کوشش کی تھی۔ منتظمین میں سید شمشاد احمد ایڈووکیٹ، دلشاد احمد ایڈووکیٹ ،عبدالرحمن بچے بھارتی، کے علاوہ دیگر منتظمین شامل تھے۔
