مظفرنگر: عالمی یوم خواتین کے موقع پر ثقافتی پروگرام کا انعقاد

مظفر نگر میں عالمی یوم خواتین کے موقع پر شری رام گروپ آف کالج میں ایک پروگرام کا انعقاد کیا گیا جس میں خواتین اور طالبات میں سرٹیفیکٹس اور سائیکل تقسیم کی گئیں۔

اترپردیش کے ضلع مظفر نگر کے شری رام گروپ آف کالج میں عالمی یوم خواتین کے موقع پر ایک پروگرام کا انعقاد کیا گیا جس میں خواتین اور طالبات کو دیگر اعزاز سے نوازا گیا۔

اس پروگرام میں مظفر نگر کے ضلع مجسٹریٹ اور بھارتیہ جنتا پارٹی کے رکن اسمبلی نے شرکت کی اور اپنے خیالات کا اظہار کیا۔

اس دوران کالج کی طالبہ عالمہ نے بتایا کہ اس پروگرام میں شرکت کرکے مینے اپنے ضلع مجسٹریٹ صاحبہ کی باتوں کو سنا اور کافی کچھ سیکھا، انہوں نے کہا کہ' اس ملک کو آگے بڑھانے میں مردوں کے ساتھ ساتھ خواتین کی بھی اہم شراکت ہے۔'

ضلع مجسٹریٹ نے بھی اس پروگرام کے بعد میڈیا سے گفتگو کرتے ہوئے کہا کہ 'عالمی یوم خواتین کے موقع پر مظفرنگر کے متعدد مقامات پر ثقافتی پروگرام کا انعقاد کیا گیا ساتھ ہی کچھ معزز خواتین کو سرٹیفکیٹ بھی دئے گئے ہیں اور تقریبا بیس طالبات کو محکمہ لیبر کی جانب سے سائیکلیں بھی تقسیم کی گئیں۔