بہار اور اتر پردیش جانے والے مہاجر مزدوروں کا جم غفیر،گھر جانے کے لیے ٹرین پکڑنے اور رجسٹریشن کرانے کے لیے گھنٹہ گھر رام لیلا میدان اور کوی نگر مقامات پر مزدوروں کا سیلاب امڈ آیا لیکن انتظامیہ کی ناکامی کا سلسلہ یہاں بھی جاری رہا اور اس ہجوم پر قابو کرنے میں پوری طرح ناکام رہی۔
لاک ڈاؤن کی وجہ سے فاقہ کشی پر مجبور یہ مزدور گھر جانے کے لیے بے چین تھے اسی وجہ سے وہ یہاں اکٹھا ہوئے تھے انتظامیہ کو چاہیے تھا کہ نظم و ضبط کی بالادستی قائم کرتی ،لیکن یہاں ایسا کچھ بھی نہیں تھا۔
آج بہار جانے والی 6 ٹرینوں کے لیے رام لیلا میدان گھنٹہ گھر میں تقریباً چار ہزار افراد کا رجسٹریشن کیا گیا اور انہیں پاس جاری کیا گیا ہے۔
جبکہ رام لیلا گراؤنڈ میں اب بھی قریب تین ہزار افراد موجود ہیں جن کے ناموں کا اندراج نہیں اندراج نہیں ہوا ہے اور وہ گھر جانے کی کوشش کر رہے ہیں۔
انتظامیہ نے رجسٹریشن کا عمل روک دیا ہے جس کا مزدوروں نے احتجاج کیا جس کے بعد اے ڈی ایم سٹی شیلندر سنگھ اور ایس پی سٹی منیش مشرا نے لوگوں کو سمجھا کر پرسکون کیا لیکن مزدور اس بات کا اصرار کر رہے ہیں کہ انہیں کسی بھی طرح گھر بھیج دیا جائے۔
