جمعرات سے دھن تیرس کے ساتھ پانچ روزہ تہوار مثلاً دھن تیرس، چھوٹی دیوالی، دیوالی، گووردھن پوجا اور بھیادوج کا آغاز ہو گیا ہے، اس کے پہلے اور دوسرے دن اپنا گھر، گاڑی یا کوئی الیکٹرانک سامان خریدنے کا ارادہ رکھنے والے شہریوں نے بازار میں جم کر خریداری کی ہے۔
کم از کم برتن اور کپڑے خریدنے والوں کی وجہ سے بازار میں زیادہ رونق نظر آ رہی ہے، ضلع بریلی کے کتب خانہ، بڑا بازار، بانس منڈی، عالم گری گنج، قلع، کمار ٹاکیز، سیلانی، جیسے بازاروں میں خاص طور پر خریداروں کی کثیر تعداد نے دکانداروں کے چہروں پر خوشی دیکھی گئی۔
بازاروں میں خواتین کی آمد نے بھی بازاروں کو گلزار کر دیا، وہ زیادہ سے زیادہ گھریلو سامان کی خریداری کر رہی ہیں، اس میں روزمرہ کی ضرورتوں کا سامان خریدنے کو ترجیح دی جا رہی ہے، ریئل اسٹیٹ سیکٹر میں بھی زبردست اچھال آنے کی وجہ سے گزشتہ دو دنوں میں روزانہ دو سو سے زیادہ زمین، دکان اور پلاٹ کی رجسٹری ہوئی ہے۔
سونے کی قیمتوں میں بھی زبردست تیزی آ رہی ہے، لہٰذا لوگ سونا خریدنے میں بھی دلچسپی دکھا رہے ہیں، خاص طور پر ایسے سامان کی خریداری سب سے زیادہ ہو رہی ہے، جو گھریلو ضرورتوں میں سب سے زیادہ استعمال ہوتی ہے۔
