للت پور: واقعہ ہے ناراہٹ علاقے کا جہاں اتوار کی صبح گرل فرینڈ کچھ لوگوں کے ساتھ اپنے بوائے فرینڈ کے گھر پہنچی۔ اس کے بعد اس نے اپنے عاشق کے عضو تناسل (پرائیویٹ پارٹ) کو چاقو سے کاٹ دیا۔ نوجوان کے چیخنے پر اہل خانہ اسے لے کر ضلع اسپتال پہنچے۔ یہاں سے اسے میڈیکل کالج جھانسی ریفر کر دیا گیا ہے۔ اطلاعات کے مطابق لڑکی کو نوجوان سے شدید محبت تھی۔ وہ اس سے شادی کرنا چاہتی تھی لیکن نوجوان نے رشتہ کرنے سے انکار کر دیا تھا۔ جس کی وجہ سے لڑکی کافی پریشان ہوگئی تھی۔
راجستھان میں مزدوری کے دوران ہوئی محبت: پولیس سپرنٹنڈنٹ محمد مشتاق نے بتایا کہ ناراہٹ تھانہ علاقے کے ایک گاؤں کا ایک نوجوان اور بالابیہٹ گاؤں کی ایک لڑکی مزدوری کے لیے راجستھان گئے تھے۔ اس دوران دونوں میں دوستی ہوگئی۔ کچھ دنوں کے بعد دونوں میاں بیوی کی طرح ساتھ رہنے لگے۔ لڑکی اس نوجوان سے بہت پیار کرتی تھی۔
وہ نوجوان سے شادی کرنا چاہتی تھی۔ چند روز قبل دونوں اپنے اپنے گاؤں واپس آگئے تھے۔ یہاں آنے کے بعد بھی دونوں باتیں کرتے رہے لیکن کچھ دنوں بعد نوجوان نے اپنی گرل فرینڈ سے فاصلہ برقرار رکھنا شروع کر دیا تھا۔
شادی سے انکار کرنے پر آیا غصہ: کچھ دنوں جب لڑکی کو اس بات کا علم ہوا تو وہ پریشان ہو گئی۔ جب اس نے اپنے عاشق کو شادی کی پیشکش کی تو اس نے صاف انکار کر دیا۔ لڑکی نے محبت کا حوالہ دیا، لیکن نوجوان نہیں مانا۔ جس کی وجہ سے لڑکی کو غصہ آگیا۔ اتوار کی صبح 4 بجے وہ کچھ لوگوں کے ساتھ اپنے عاشق کے گھر پہنچی۔
یہ بھی پڑھیں:
- بلقیس بانو کیس: مجرموں کی رہائی کا فیصلہ مسترد، دو ہفتوں کے اندر جیل حکام کو رپورٹ کرنے کا حکم
- پاکستان کیلئے جاسوسی کے الزام میں جموں میں ریلوے ملازم گرفتار
ساتھ میں آئے لوگوں کی مدد سے نوجوان پر قابو پا لیا گیا۔ پھر لڑکی نے اپنے عاشق کی پرائیویٹ پارٹ کو چاقو سے کاٹ دیا۔ شور سن کر گھر والے جاگ گئے۔ وہ نوجوان کو ضلع اسپتال لے گئے۔ نوجوان کی حالت نازک ہونے پر اسے جھانسی میڈیکل کالج ریفر کر دیا گیا۔ ایس پی نے کہا کہ معاملے کی جانچ کر کے کاروائی کی جائے گی۔
