لاک ڈاؤن کے دوران آج ایک مسلم خاتون کی لاش رام پور کے سنکرا گاؤں کے نزدیک سڑک کے کنارے سے ملی۔ تھانہ بھوٹ کی پولیس نے شناخت نہ ہونے کی وجہ سے پوسٹ مارٹم کے بعد لاوارث لاش کے طور پر اس کی تجویز و تدفین کے لئے فلاحی تنظیم اسلامک یوتھ آرگنائزیشن کے حوالے کی۔
دیکھیں ویڈیو
واضح رہے کہ یہ تنظیم رام پور میں گزشتہ 30 برسوں سے سرگرم عمل ہے۔ آئی وائی او کا ایک اہم کام ضلع بھر کی مسلم لاوارث لاشوں کی تدفین کا ہے۔
یہی وجہ ہے کہ جب برقعہ پوش خاتون کی لاش پولیس کو ملی تو پولیس نے اپنی جانب سے شناخت کی تمام کوششیں کرنے کے بعد لاش کو پوسٹ مارٹم کے بعد آئی وائی او کے حوالے کر دیا۔
لاک ڈاؤن کی وجہ سے تنظیم کے چند ہی کارکنان نے ضلع ہسپتال پہنچ کر لاوارث کی تدفین کے تمام عمل کو مکمل کیا۔
