سی پی آئی کا الزام ہے کہ او پی ڈیز بند ہونے سے لوگ بیماریوں میں مبتلا ہو رہے ہیں۔ اور ہلاکتیں ہو رہی ہے جبکہ انہیں کورونا اموات میں شامل کیا جا رہا ہے۔
بارہ بنکی میں ضلع سکریٹری برج موہن ورما کی قیادت میں کثیر تعداد میں سی پی آئی کارکنان ضلع مجسٹریٹ پہنچے اور یہاں انہوں نے حکومت کے خلاف نعرےبازی کی۔
بعد ازیں 12 نکاتی مطالبات کا میمورنڈم مجسٹریٹ پی سی وشکرما کو دیا گیا۔ سی پی آئی کے ریاستی کونسل کے رکن وکیل رندھیر سنگھ سمن نے کہا کہ او پی ڈی بند ہونے سے عوام بیماریوں میں مبتلا ہو رہے ہیں۔ یہاں تک کہ موت بھی ہو رہی ہے۔ اس موقع پر کہا گیا کہ مختلف امراض میں ہو رہی موتوں کو کورونا اموات میں شامل کیا جارہا ہے۔ اس کے علاوہ مہنگائی اور اسکولوں کی فیس معافی سمیت کُل 12 نکاتی مطالبات پر مبنی میمورنڈم دیا گیا ہے۔ سی پی آئی رہنما نے کہا اگر اس پر غور نہ کیا گیا تو احتجاج بڑے پیمانے پر کیا جائے گا۔
یہ بھی پڑھیں:کانپور میں آن لائن جسم فروشی کے ریکٹ کا پردہ فاش
