میرٹھ: اسکالرشپ کی تقسیم میں بدعنوانی

اترپردیش کے میرٹھ کے بھاون پور تھانہ علاقے میں جائی گاؤں میں واقع مدرسہ نور العلوم میں اسکالرشپ تقسیم دھاندلی کا معاملہ سامنے آیا۔

اسکالرشپ کی تقسیم میں بدعنوانی کی خبر ای ٹی وی بھارت اردو پر نشر ہونے کے بعد محکمہ اقلیتی فلاح و بہبود نے معاملے کی تفصیلی جانچ کی ہے۔

میرٹھ میں اسکالرشپ بدعنوانی معاملے کو محکمہ اقلیتی فلاح بہبود کے افسر نے سنجیدگی سے لیتے ہوئے اس کی جانچ کی تو اس معاملے میں مدرسہ منتظمین کی جانب سے غبن کی بات سامنے آئی جس میں تقریباً ساڑھے پانچ لاکھ کی اسکالرشپ لوٹ کا معاملہ بھی اجاگر ہوا ہے۔

متعلقہ محکمہ کے افسران نے اس معاملے میں کاروائی کرتے ہوئے مدرسہ منتظم کے خلاف بھاون پور تھانے میں ایف آئی آر درج کرائی۔ اور ساتھ ہی مدرسے کا رجسٹریشن بھی ختم کرنے کے لئے آگے کی کارروائی شروع کردی ہے۔