بجنور: کورونا وائرس کے مریضوں میں مسلسل اضافہ

ریاست اترپردیش کے ضلع بجنور میں مسلسل کورونا انفیکشن کے مریضوں میں اضافہ ہونے سے انتظامیہ بھی پریشان نظر آ رہا ہے۔

تین دن قبل دہلی سے آئی خاتون کی رپورٹ مثبت آنے پر آس پاس کے علاقے سیل کر محکمہ صحت نے خاتون کو آئسولیشن وارڈ میں داخل کرا دیا ہے ۔

تھانہ نہٹورکے تکیہ گڑھی میں تین دن قبل ایک خاتون دہلی کے سلطانپوری سے اپنے رشتے داروں کے گھر آئی تھی۔

محکمہ صحت کے اراکین، اس خاتون کی کورونا رپورٹ مثبت آنے کے بعد اسے مرادآباد کے قرنطینہ مرکز لے گئے۔

پولیس نے 250 میٹر کے دائرے کو سیل کردیا ہے۔

کورونا متاثرہ خاتون کی حال ہی میں منگنی ہونی تھی۔ وہ بھی فی الحال رد ہو گئی۔ اس وجہ سے اہل خانہ کو شدید صدمہ پہنچا ہے۔