نوئیڈا:دہلی سے متصل ہائی ٹیک سٹی نوئیڈا میں کورونا کے معاملے میں تیزی سے اضافہ ہو رہا ہے۔ ساتھ ہی دیہی علاقے میں بھی کورونا کے نئے معاملے ہر روز سامنے آر ہے ہیں۔ انتظامیہ کے جانب سے تمام کوششوں کے باوجود حالات قابو پانا اب مشکل ہو رہا ہے ۔
ملک میں نافذ لاک ڈاؤن کے سبب لوگ گھروں میں محدود تھے لیکن اب لوگوں کی بھیڑ گھر سے باہر نکلنے لگی ہے جس سے کورونا کے مریضوں میں مزید اضافہ ہو رہا ہے ۔
اس دوران ڈسٹرک مجسٹریٹ سوہاس ایل وائی کی ہدایت پر محکمہ پنچایت راج کی ٹیم نے دادری بلاک میں واقع گیرراج پور کھاندیرہ گاؤں میں کورونا سے متعلق بیداری مہم کو کو یقینی بنایا۔
اس سلسلے میں چیف ڈویلپمنٹ آفیسر انیل کمار سنگھ نے بتایا ہے کہ پنچایت راج محکمہ کے توسط سے ضلع کے تمام دیہی علاقوں میں یہ پروگرام چلایا جا رہا ہے تاکہ دیہی علاقوں کے تمام شہریوں کو کورونا انفیکشن سے بچایا جاسکے۔
