ریاست اترپردیش کے شہر بریلی میں اعلیٰ حضرت ٹرسٹ اور یووا بریلی سروس کلب کے عہدے داران نے شہر کے گاندھی پارک میں کورونا وائرس کے انفیکشن سے بچنے کے لیے لوگوں کو آگاہ کیا، اس کے علاوہ انہوں نے تمام لوگوں میں ماسک تقسیم کرکے کورونا وائرس سے متعلق معلومات فراہم کی۔
بریلی میں 'اعلیٰ حضرت ٹرسٹ' کے قومی میڈیا کوآرڈینیٹر چنگیز خان اور 'یووا بریلی سروس کلب' کے صدر گلفام انصاری اپنی ٹیمیز کے ساتھ شہر کے گاندھی پارک پہنچے، اور یہاں دوستوں یا اہل خانہ کے ساتھ تفریح کے لیے آئے ہوئے لوگوں کو کورونا وائرس سے بچنے کی تدابیر بتائیں۔
پارک میں آئے ہوئے تمام لوگوں کو ایک جگہ جمع کرکے گلفام انصاری نے کورونا وائرس کے متعلق افواہوں سے الرٹ رہنے اور اس سے نمٹنے کی ترکیب بتائی۔
یووا بریلی سروس کلب کے سربراہ گلفام انصاری نے لوگوں سے کہا کہ آپ کو معلوم ہونا چاہیے کہ چین میں کورونا وائرس کی وجہ سے انتہائی خوفناک صورتحال پیدا ہو گئی ہے، جو اب ہمارے ملک میں اس وائرس سے متاثرہ کچھ افراد کی تصدیق کی گئی ہے۔
انہوں نے کہا کہ اس کے علامات دہلی، نوئیڈا اور آگرہ میں پائے گئے ہیں، لہذا، اس سے ڈرنے کے بجائے، بچاؤ اور احتیاط کی زیادہ ضرورت ہے۔
واضح رہے کہ کورونا وائرس اس وقت دنیا کے 80 ممالک میں پھیل چکا ہے، دنیا کے تمام ممالک میں کورونا وائرس کے پھیلنے کی تصدیق بھی ہوچکی ہے۔
انہوں نے کہا کہ ضلع انتظامیہ نے اس سے متاثر مریضوں کے علاج کے لیے تمام تیاریاں مکمل کرلی گئی ہیں۔
