اترپردیش کے ضلع مئو کے سرکاری ہسپتالوں میں کورونا ویکسینیشن کی مہم کو تیز کر دیا گیا ہے، سرکاری اسپتالوں کے رجسٹریشن کاؤنٹر پر ہر روز کثیر تعداد میں لوگ اپنی نامزدگی درج کرارہے ہیں۔
مئو ضلع کے سبھی نو بلاکوں میں کووڈ ویکسینیشن کیمپ بھی قائم کئے گئے ہیں، جہاں رجسٹریشن کرانے کے بعد ویکسین دی جارہی ہے، گھوسی میں تعینات کورونا ٹیکہ کاری ٹیم کے کوآرڈینیٹر مبشرہ علی کے مطابق ہر روز تقریباً ڈھائی سو سے زائد افراد کا رجسٹریشن کیا جارہا ہے۔
وہیں ویکسینیشن کے لیے مقامی لوگ بھی اپنے علاقے کے لوگوں کو بیدار کررہے ہیں۔ خاص بات یہ ہے کہ تعلیم کی کمی کے باوجود بھی معاشرے کا پسماندہ طبقہ کووڈ ویکسینیش پروگرام کو کامیاب بنانے میں اہم کردار ادا کر رہا ہے۔
مزید پڑھیں:
مئو میں کووڈ ویکسینیشن مہم جاری
ڈاکٹروں کے مطابق سرکاری اسپتالوں میں جاری ویکسینیش کیمپ کے علاوہ دیہی علاقوں میں بھی کئی ٹیموں کو تعینات کیا گیا ہے، یہ ٹیمیں گھر گھر جا کر کووڈ ویکسین کے تئیں لوگوں میں بیداری پیدا کرنے کا کام کررہی ہے۔
