ریاست اترپردیش کے ضلع میرٹھ میں كورونا وائرس سے ہونے والی اموات اور مریضوں کی تعداد میں ہو رہے مسلسل اضافہ پر قابو پانے کے لئے ضلع اسپتال میں ایک ٹر و نیٹ مشین لگائی گئی ہے۔
اس مشین کے ذریعہ اب كورونا کی جانچ صرف دو گھنٹے میں مل سکے گی اس کے بعد مریض كو فوری طور پر علاج بھی مل سکےگا ۔
كورونا کی جانچ
واضح رہے کہ اب تک كورونا کے مشتبہ مریضوں كو جانچ کے ایک دن بعد ہی رپورٹ دستياب ہوتی تھی لیکن اب یہ جانچ صرف دو گھنٹے میں ہی مل جائیگی تاکہ وه اپنا فوری طور پر علاج کرا سکیں ۔
یہ جانچ میرٹھ کے ضلع اسپتال میں مفت کی جا رہی ہے، ضلع انتظامیہ کے مطابق اس طرح کی دو اور مشین جلد ہی میرٹھ كو مل جائے گی تاکہ كورونا کی جانچ میں تیزی لائی جا سکے ۔
