کورونا مثبت خاتون کی موت

امروہہ کے قصبہ نوگاوا سادات کی رہنے والی کورونا مثبت بزرگ خاتون کی آج موت ہو گئی،

ریاست اتر پردیش کے ضلع امروہہ کے قصبہ نوگاوا سادات کی رہنے والی کورونا مثبت بزرگ خاتون کی آج موت ہو گئی، خاتون کی طبیعت خراب ہونے کے بعد اسے 26 اپریل کو مراد آباد کے ٹی ایم یو اسپتال میں داخل کرایا گیا تھا۔

اس دوران خاتون کے نمونے کو بھی کورونا جانچ کے لئے بھیجا گیا تھا۔ جس کے بعد خاتون کی رپورٹ مثبت آئی تھی ۔ لیکن رپورٹ سامنے آنے کے فورا بعد ہی خاتون کا انتقال ہو گیا۔

کورونا مثبت خاتون کی موت

خاتون زینب کی موت کے بعد ،انتظامیہ اور محکمہ صحت میں ہلچل مچ گئی کورونا کی اطلاع ملنے پر فورا ایس ڈی ایم انند رنن سنگھ پولیس فورس اور محکمہ صحت کی ٹیم کے ہمراہ خاتون کے علاقے میں پہنچ گئے اور انہوں نے علاقے کو سیل کر دیا نوگاوا گورنمنٹ ہسپتال کے ڈاکٹر شوکین خان نے بتایا کہ خاتون کے اہل خانہ میں 28 افراد ہے اب ہر ایک کو ضلعی اسپتال میں معائنے کے لئے بھیجا جائے گا۔