بی جے پی اقلیتی محاذ کے ریاستی نائب صدر آفتاب اڈوانی نے ایک بار پھر متنازع بیان دیا ہے۔ اس بار آفتاب اڈوانی نے مہاراشٹر حکومت کے وزیر اعلی ادھو ٹھاکرے کو چوڑیاں پہنا کر مرکزی حکومت سے مہاراشٹر سرکار کو برخواست کرنے کا مطالبہ کیا ہے۔
بی جے پی اقلیتی محاذ کے نائب صدر نے دیا متنازعہ بیان
آفتاب اڈوانی نے کہا کہ پورا ملک کنگنا رناوت کے ساتھ کھڑا ہے ۔ انہوں نے یہ بھی الزام لگایا کہ مہاراشٹرا حکومت داؤد ابراہیم کے اشاروں پر عمل پیرا ہے اور ہمیں افسوس ہے کہ داؤد ابراہیم ایک بار پھر بھارت میں داخل ہو گیا ہے۔
انہوں نے کہا ہے کہ جس طرح سے کنگنا رناوت کو ہراساں کیا جارہا ہے وہ سراسر غلط ہے۔ آفتاب اڈوانی نے اس ویڈیو کے ذریعے نریندر مودی سرکار سے مہاراشٹر سرکار پر کارروائی کرتے ہوئے سرکار کو برخواست کرنے کا مطالبہ کیا ہے۔
