دانش علی نے اس معاملے میں اترپردیش کے وزیراعلی یوگی آدتیہ ناتھ کو ایک لکھ کر جن پنچایتوں میں پنچایت کی عمارتیں نہیں ہیں وہاں اس کی تعمیر کرانے کی اپیل کی ہے۔
عالمی وبا نے ملک اور دنیا کے سامنے بحران پیدا کردیا ہے اوراس سے اترپردیش بھی الگ نہیں ہے۔ ملک میں مسلسل کورونا کے مریضوں کی تعداد میں اضافہ ہورہا ہے اور اچانک آئے اس بحران سے نکلنے کے لیے حکومتوں کو اپنی کوششیں تیز کرنی ہوں گی۔
امروہہ کے رکن پارلیمان نے اپنے خط میں لکھا ہے کہ کورونا وائرس کے مریضوں کی تعداد میں دن بہ دن اضافہ ہورہا ہے اس حساب سے کورنٹائن مراکز کی بھی ضرورت پڑرہی ہے اس کے لیے یہ بہترین قدم ہوسکتا ہے کہ منریگا اور مرکزی مالی کمیشن کے پیسے سے جن پنچایتوں میں پنچایت کی عمارتیں نہیں ہیں وہاں پرپنچایت کی عمارتیں بنوائیں جائیں۔ اترپردیش اور اس میں بھی خاص طور سے ان کے لوک سبھا حلقہ امروہہ ضلع میں پنچایت بھونوں کی بہت کمی ہے۔
