Prayers at Home in Moradabad مسلمانوں کو دوسرے درجہ کا شہری بنانے کی سازش، ایس ٹی حسن

مکان میں نماز کی ادائیگی پر چند افراد کی جانب سے اعتراض کے معاملہ پر سماجودای پارٹی کے رکن پارلیمان ڈاکٹر ایس ٹی حسن نے کہا کہ چند افراد کی جانب سے اس معاملہ کو اٹھایا جارہا ہے اس معاملے پر ضلع انتظامیہ سے بات کی گئی ہے، اور یہ درخواست کی گئی ہے کہ باہمی رضا مندی سے مندر اور مسجد کی تعمیر کی جائے، اور اپنی اپنی عبادت گاہوں میں مذہبی سرگرمیاں انجام دی جائیں۔26 Muslims booked of offering Namaz at home

اترپردیش کے ضلع مراد آباد کے تھانہ چھجلوٹ کے دلہے پور گاؤں میں مسلمانوں نے ایک گھر میں اجتماعی طور پر نماز ادا کی، جس کے بعد چند لوگوں نے اس پر اعتراض کیا، اور نماز ادا کرنے والوں کے خلاف مقدمہ بھی درج کرایا، پولیس اس معاملہ کی جانچ کر رہی ہے۔26 Muslims booked of offering Namaz at home

ادھر اس معاملہ پر سماجودای پارٹی کے رکن پارلیمان ڈاکٹر ایس ٹی حسن نے کہا کہ چند افراد کی جانب سے اس معاملہ کو اٹھایا جارہا ہے اس معاملے پر ضلع انتظامیہ سے بات کی گئی ہے، اور یہ درخواست کی گئی ہے کہ باہمی رضا مندی سے مندر اور مسجد کی تعمیر کی جائے، اور اپنی اپنی عبادت گاہوں میں مذہبی سرگرمیاں انجام دی جائیں۔

اس معاملہ پر ایم آئی ایم کے سربراہ اسد الدین اوسی کے رد عمل کو لے کر جب ان سے سوال کیا گیا تو انہوں نے کچھ کہنے سے انکار کردیا، انہوں نے کہا کہ ہاں اتنا ضرور ہے کہ چند لوگ مسلمانوں کو دوسرے درجے کا شہری بنانے کی سازش کر رہے ہیں، تاہم انہیں یہ بات سمجھ لینی چاہیے کہ یہ ملک کسی کی جاگیر نہیں ہے۔ یہ ملک تمام ہندوستانیوں کا ہے، اور اس ملک کے باشندے ہونے کے ناطے سب کے حقوق یکساں ہیں۔

جب ان سے حال میں کانگریس پارٹی کو الوداع کہنے والے رہنما غلام نبی آزاد کے متعلق سوال کیا گیا تو انہوں نے جواب میں کہا کہ وہ پہلے سے ہی باخبر تھے کہ ایسا ہونے والا ہے۔