مظفرنگر: کانگریس کارکنان کی گرفتاری کے خلاف احتجاج

ہاتھرس کی متاثرہ لڑکی کے اہل خانہ سے ملنے جا رہے کانگریس رہنماؤں پر پولیس کی جانب سے لاٹھی چارج اور گرفتاری کے خلاف کانگریس کارکنان نے مظفر نگر میں شدید احتجاج کیا۔

ریاست اترپردیش کے ضلع ہاتھرس میں متاثرہ لڑکی کے اہل خانہ سے ملنے جا رہے کانگریس کے سابق صدر راہل گاندھی اور پرینکا گاندھی پر پولیس کی جانب سے لاٹھی چارج اور گرفتاری کے خلاف کانگریس کارکنان نے مظفر نگر میں شدید احتجاج کیا۔

اس تعلق سے سٹی صدر جنید رؤف نے کہا کہ 'ریاستی حکومت کانگریسی کارکنان کی آواز کو مسلسل دبانے کی کوشش کر رہی ہے، انہوں نے کہا کہ 'آج جب کانگریس پارٹی کے اعلی رہنماؤں کے ساتھ کانگریسی کارکنان ہاتھرس کی بیٹی کے اہل خانہ سے ملنے جا رہے تھے۔ اس دوران حکومت کی جانب سے ان کے ساتھ بدسلوکی اور ان پر لاٹھی چارج کی گئی، قابل افسوس عمل ہے۔