ریاست اتر پردیش کے بارہ بنکی میں کانگریس کارکنان نے پارٹی کے سابق صدر اور رکن پارلیمان راہل گاندھی کی سالگرہ Rahul Gandhi Birthday نہایت سادے انداز میں منائی۔ راہل گاندھی کی ہدایت پر عمل کرتے ہوئے کانگریس کارکنان نے کوئی پروگرام کرنے کے بجائے راہگیروں کو شربت پلا کر عوام کی خدمت کی۔
دراصل سونیا گاندھی کی صحت اور ای ڈی کی پوچھ گچھ کی وجہ سے راہل گاندھی نے اس بار کانگریس کارکنان سے ان کی سالگرہ نہیں منانے کی ہدایت دی تھی۔ اسی کے پیش کانگریس کارکنان نے ضلع میں کوئی پروگرام نہیں کیا لیکن کانگریس یوتھ کے ضلع صدر نے اس موقع پر راہگیروں کے لئے شربت کا انتظام کیا۔Congress Workers Celebrate Rahul's Birthday
اس موقع پر یوتھ کانگریس کے ضلع صدر سکندر عباس رضوی نے کہا کہ شدید گرمی اور چلچلاتی دھوپ میں ہم لوگوں نے راہگیروں کو شربت پلانے کا اہتمام کیا تاکہ راہگیروں کو تھوڑی راحت مل سکے۔ انہوں نے کہا کہ راہل گاندھی کے سالگرہ کے موقع پر عوام کی خدمت کر کے ہم لوگوں نے 2024 میں راہل گاندھی کو ملک کا وزیراعظم بنانے کا عزم لیا ہے۔Rahul Gandhi Birthday
یہ بھی پڑھیں: Rahul Gandhi Birthday: راہل گاندھی نے پارٹی کارکنان سے سالگرہ نہ منانے کی اپیل کی
