ریاست اترپردیش کے نوئیڈا میں کانگریس رہنما راج ببر کا خیر مقدم کیا گیا۔
اترپردیش کانگریس کے سابق صدر اور ممبر پارلیمان راج ببر کا کسان جن جاگرن مہم کے تحت گریٹر نوئیڈا جاتے ہوئے مہا نگر کانگریس کمیٹی نوئیڈا کے کارکنان نے پر جوش اور پرتپاک استقبال کیا۔
سٹی صدر شہاب الدین کی قیادت میں 'مہا مایا فلائی اوور ایکسپریس وے پر پھولوں کے ہار پہنائے گئے۔ اس موقع پر راج ببر نے کارکنان سے کانگریس تنظیم کو منظم اور مستحکم کرنے پر زور دیا اور کہا کہ وہ عام لوگوں کی جنگ لڑنے کے لئے تیار رہیں۔
راج ببر نے کہا کہ کسانوں کی لڑائی کانگریس لڑے گی ان کے ساتھ ظلم زیادتی ہوئی ہے 'ہم ان کے ساتھ کھڑے ہیں۔ ریاستی حکومت ہر محاذ پر ناکام ہے اور وہ امن وچین و سکون کے خلاف کام کر رہی ہے۔
ہم ہر پسماندہ اور کچلے ہوئے لوگوں کے ساتھ کھڑے ہوں گے۔
واضح رہے کہ خیرمقدم کرنے والوں میں سابق سٹی صدر مکیش یادو ، سابق امیدوار راجندر اوانا ، اے آئی سی سی دنیش اوانا، ریاستی سکریٹری ودیت چودھری، یوتھ کانگریس کے قومی سیکریٹری دیپک بھاٹی، ضلعی یوتھ صدر پرشوتم ناگر، اے آئی سی سی راجکمار بھارتی، ترجمان پون شرما سمیت ضلعی خواتین صدر سنیتا موجود رہے۔
