CAA And NRC: کانگریس رہنما کا سی اے اے اور این آرسی کو بھی واپس لینے کا مطالبہ

سچن چودھری نے مرکزی حکومت کو تنقید کا نشانہ بناتے ہوئے کہا کہ وزیراعظم نریندر مودی نے جس دن سے تین زرعی قوانین Three Farm Laws واپس لئے جانے کا اعلان کیا ہے اس دن سے فلمی اداکارہ کنگنا رناوت غائب ہیں۔ اب ان کا ایوارڈ بھی واپس ہوگا۔

ریاست اتر پردیش کانگریس پارٹی کے جنرل سیکریٹری سچن چودھری نے پریس کانفرنس کر مرکزی حکومت کو تنقید کا نشانہ بنایا۔ سچن چودھری نے کہا کہ حکومت کو یہ تین زرعی قوانین واپس لینے ہی تھے کیونکہ حکومت کو معلوم ہو گیا تھا کہ آنے والے پانچ ریاستوں کے انتخابات میں وہ ہار رہی ہے۔

انہوں کہا کہ تقریبا ایک سال سے کسان احتجاج کر رہے ہیں اور اس احتجاج میں تقریبا 700 سے زیادہ کسان ہلاک ہو گئے۔ انہوں نے مطالبہ کیا کہ حکومت ہلاک ہوئے کسانوں کو معاوضہ دینے کا اعلان کرے۔

سچن چودھری نے مزید کہا کہ ایم ایس پی کے علاوہ تمام ابھی ایسے مسائل ہیں جن پر بات ہونی ہے اور آنے والے وقت میں سی اے اے اور این آرسی (CAA and NRC) دونوں واپس ہوں گے اور ملک کو ہٹلر شاہی سے آزادی ملے گی۔