کانگریس کے سابق صدر راہل گاندھی پر دیے گئے متنازعہ بیان پر کانگریس کے قومی ترجمان پی ایل پنیا نے شدید نکتہ چینی کی ہے۔ پنیا نے کہا ہے کہ بی جے پی میں جو کوئی جاتا ہے، وہ اسی رنگ میں رنگ جاتا ہے۔PL Punia Slams Himanta Biswa Sarma
ہم آپ کو بتادیں کہ ہیمنت بسوا سرما نے 2016 اور 2019 میں بھارت افواج کے ذریعہ پاکستان پر کی گئی سرجکل اسٹرائیک کے ثبوت مانگنے پر کانگریس رہنما راہل گاندھی پر طنز کرتے ہوئے کہا تھا کہ کیا بی جے پی نے کبھی ان سے راجیو گاندھی کے بیٹے ہونے کا ثبوت مانگا ہے۔
سرما نے یہ بات اتر اکھنڈ میں ایک ریلی سے خطاب کرتے ہوئے کہی ہے۔ اس بیان پر ردعمل دیتے ہوئے پنیا نے کہا کہ ایک آئینی عہدے پر بیٹھا ہوا شخص اس قسم کا بیان دیتا ہے تو یہ افسوس ناک ہے۔
انہوں نے کہا کہ یہ بی جے پی کے اقدار میں ہے۔ بی جے پی میں جو بھی جاتا ہے وہ اسی رنگ میں رنگ جاتا ہے۔ انہوں نے کہا کہ سرما اس سے قبل کانگریس میں تھے، تو انہوں نے اس قسم کا بیان کبھی نہیں دیا۔ اب وہ بی جے پی میں ہیں اور اس کے رنگ میں رنگے ہوئے ہیں۔
