اتر پردیش کے شہر مراد آباد میں کانگریس سیوا دل کے صوبائی سکریٹری صغیر سعید نے کانگریس کارکنوں کے ساتھ بیل گاڑی پر سوار ہوکر پورے شہر میں گھوم کر ملک بھر میں بڑھتی پٹرول اور ڈیزل کی قیمتوں کے خلاف مرکزی حکومت اور ریاستی حکومت کے خلاف احتجاج کیا۔
کانگریس سیوا دل کے صوبائی سکریٹری صغیر سعید نے بیل گاڑی پر سوار ہوکر مہنگائی کے خلاف نعرے بازی کی۔
انہوں نے مزید کہا کہ 'ملک میں ڈیزل، پٹرول اور سرسوں کے تیل کی قیمت میں مسلسل اضافہ ہوتا جارہا ہے جس کی وجہ سے عام آدمی پریشان ہے۔
یہ بھی پڑھیں: Corona Vaccination: ویکسین کی کمی پر راہل کی مرکزی حکومت پر تنقید
صغیر سعید نے کہا کہ 'بی جے پی کی حکومت میں عام آدمی کو گھر کا خرچ چلانا بھی مشکل ہوچکا ہے، جب کہ گیس کے دام بھی آسمان کی بلندیوں کو چھورہے ہیں لیکن حکومت کو عام آدمی کی زندگی سے کوئی لینا دینا نہیں ہے۔'
اس کے ساتھ ہی ملک کے کئی اضلاع میں بھی کانگریس کی جانب سے بڑھتی مہنگائی کے خلاف احتجاج کیا جارہا ہے۔
