کانگریس کا ساوتری بائی پھولے کی یومِ پیدائش پر خراج عقیدت

ساوتری بائی پھولے کی یومِ پیدائش کے موقع پر کانگریس ضلع دفتر میں پروگرام کا انعقاد کیا گیا۔

ریاست اتر پردیش کے ضلع جونپور میں کانگریس پارٹی کے ضلع دفتر میں ملک کی پہلی خاتون استانی ساوتری بائی پھولے کی گلپوشی کرکے یوم پیدائش کا جشن منایا گیا اور جلسے کا انعقاد کیا گیا۔

اس موقع پر کانگریسی کارکنان نے ساوتری بائی پھولے کی تصویر پر گلپوشی کرکے انہیں خراجِ عقیدت پیش کیا۔

اس ضمن میں ای ٹی وی بھارت سے گفتگو کرتے ہوئے ضلع صدر فیصل حسن تبریز نے کہا کہ ساوتری بائی مصلح سماج اور ملک کی اول خاتون استانی تھیں ان کے یومِ پیدائش پر ہم انہیں سلام پیش کرتے ہیں۔

انہوں نے کہا کہ ساوتری بائی پھولے نے ملک سے چھوا چھوت اور ستی رواج کو ختم کیا، آج ہم سب لوگوں کو ان سے سبق لینے کی ضرورت ہے۔