پٹرول، ڈیزل اور ایل پی جی کی بڑھتی قیمتوں کے خلاف آل انڈیا نیشنل کانگریس کی صدر سونیا گاندھی کی کال پر مہانگر کانگریس کمیٹی، نوئیڈا کے عہدیداروں اور کارکنوں نے صدر شہاب الدین کی سربراہی میں ایک علامتی مظاہرہ کیا۔ کویڈ پروٹوکول پر عمل کرتے ہوئے ڈولی موٹر پیٹرول پمپ سیکٹر 12 کے سامنے یہ مظاہرہ کیا گیا۔
شہاب الدین نے کہا 'بھارت کے لوگ پچھلے 15 مہینوں سے وبا سے لڑ رہے ہیں اور مودی سرکار عوام کو اس وبا میں راحت دینے کے بجائے پٹرول، ڈیزل کی قیمتوں میں اضافہ کر کے لوٹ رہی ہے۔ لیکن کانگریس پارٹی کا ہر کارکن اس حکومتی لوٹ مار کی سخت مخالفت کرتی ہےٟ'۔
ڈسٹرکٹ کانگریس انچارج سنیل بشنوئی نے کہا 'گذشتہ 5 مہینوں میں بی جے پی حکومت نے پٹرول اور ڈیزل کی قیمتوں میں تقریباً 43 مرتبہ اضافہ کر کے عوام کی کمر توڑ دی ہے'۔
ضلع کسان کانگریس کے صدر گوتم اوانا نے کہا 'بڑھتی مہنگائی سے عوام کو راحت دینے کے بجائے حکومت پیٹرول، ڈیزل اور ایل پی جی کی قیمتوں میں اضافہ کر کے سرکاری خزانہ بھر رہی ہے۔ عوام کی مدد کرنے کے بجائے یہ رقم مودی جی کے خوابوں کو سچ کرنے کے لئے وقف کی جا رہی ہے'۔
