نوئیڈا: ریاست اترپردیش میں ضلع نوئیڈا کے کانگریس کمیٹی گوتم بدھ نگر اقلیتی ضلع چیرمین جاوید خان کی قیادت میں سٹی مجسٹریٹ کو میمورنڈم دیا گیا جس میں گیتا پریس کو گاندھی پیس ایوارڈ دینے پر اعتراض کیا گیا۔ کانگریس کارکنان سٹی مجسٹریٹ کے باہر جمع ہوئے اور گورکھپور کے گیتا پریس کو گاندھی امن انعام دینے کے خلاف احتجاج کیا۔
ناراض کارکنوں نے کہا کہ بھارت رتن بابا صاحب پر ذات پات کے تبصرے کرنے والوں کو یہ اعزاز دینا صحیح نہیں ہے۔ احتجاج کے اختتام کے بعد کارکنوں نے صدر کے نام اپنے مطالبات پر مشتمل ایک میمورنڈم بھی ضلع مجسٹریٹ کے حوالے کیا۔ ضلع چیرمین جاوید خان کی قیادت میں کارکنوں نے حکومت سے اپنا فیصلہ واپس لینے کا مطالبہ کیا۔ انہوں نے کہا کہ گیتا پریس کی اشاعت کو سال 2021 کا گاندھی امن انعام دینے کے فیصلے سے ملک میں رہنے والے لوگوں کا ایک بڑا طبقہ دکھی ہے۔
مقررین نے کہا کہ بابا صاحب کے تئیں توہین آمیز مضامین لکھنے والوں کو گاندھی ایوارڈ دینا مناسب نہیں ہے۔ دلت سماج سمجھ رہا ہے کہ مودی حکومت نے اس طرح کا فیصلہ صرف بابا صاحب کے سماجی تبدیلی کے فلسفے کو کمزور اور نیچا دکھانے کے لیے دیا ہے۔
یہ بھی پڑھیں:Prof Faizan Mustafa پروفیسر فیضان مصطفٰی سی این ایل یو کے وائس چانسلر مقرر
اس موقع پر ضلع کانگریس کمیٹی گوتم بدھ نگر اقلیتی ضلع چیرمین جاوید خان، کانگریس لیڈر ایڈوکیٹ دنیش آوانہ، آل انڈیا کانگریس کمیٹی کے رکن اور یوتھ کانگریس کے ضلع صدر پرشوتم ناگر، سابق صدر نوئیڈا کانگریس شہاب الدین ، پردیش کانگریس کمیٹی اقلیتی ریاستی نائب صدر لیاقت چودھری، کانگریس لیڈر سنجے تنیجا، سابق سکریٹری کشال پال بگھیل، محمد واحد، سچن، ستیندر، منوج، شبنم، سلمیٰ، گلاب، اسماء، تمنا، سنہری، سبھاش داس، جگپال چوہان اور دیگر لوگ موجود تھے۔
