اترپردیش کی ضلع بریلی کے نواب گنج اسمبلی حلقہ کے خجرپور گاؤں میں آج کانگریس پارٹی کی جانب سے ایک تقریب کا انعقاد کیا گیا۔ جس میں کانگریس کے کئی بڑے رہنماؤں نے شرکت کی۔
اس دوران تقریب میں پہنچے کانگریس پارٹی کے ضلع صدر اشفاق ثقلینی کا مقامی کارکنان نے زور دار استقبال کیا۔ جس کے بعد اشفاق ثقلینی نے خجرپور گاؤں میں لوگوں کے دروازے پر جاکر ان سے ملاقات کی اور بنیادی مسائل پر بات کرکے موجودہ صورتِ حال سے واقف کرایا اور مہنگائی، بےروزگاری جیسے بنیادی مسائل پر لوگوں کی حمایت حاصل کرنے کی کوشش کی۔
اشفاق ثقلینی نے بی جے پی حکومت کی پالیسیوں پر تنقید کرتے ہوئے کہا کہ بی جے پی حکومت میں جرائم کی دنیا کا کاروبار خوب پھل پھول رہا ہے۔ غریب اور بےسہارا لوگوں کا کوئی مددگار نہیں ہے۔
اُنہوں نے عوام سے اپیل کی کہ وہ آئندہ اسمبلی انتخابات سنہ 2022ء میں کانگریس کو ووٹ دیکر ایک مرتبہ خدمت کا موقع دیں۔
