کانگریس کارکنان کا مطالبہ ہے کہ ریپ متاثرہ کے خاندان کو معاوضہ دیا جائے اور اس کا بہتر علاج کرایا جائے۔ اس کے علاوہ کانگریسی کارکنان نے جیل میں بند اس کے چچا کی ضمانت دلانے کے لئے سرکار سے پہل کرنے کی اپیل کی ۔
اناؤ ریپ متاثرہ کے معاملے میں سیاسی پارٹیاں حکومت کو گھیرنے کا کوئی موقع نہیں چھوڑ رہی ہیں۔ اسی سلسلے میں کانگریس کارکنان نے بارہ بنکی کے چھایا چوراہا واقع راجا بلبھدر سنگھ چلہاری پارک میں یک روزہ بھوک ہڑتال کی۔
کانگریس کارکنان کا کہنا ہے کہ جب سے یو پی میں بی جے پی حکومت آئی ہے اس وقت سے ریاست کا نظم نسق خراب ہے۔ انہوں نے الزام لگاتے ہوئے کہا کہ اناؤ ریپ متاثرہ کے پورے کنبے کو مار دیا گیا ہے۔
کانگریس رہنما تنج پنیا نے حکومت سے مطالبہ کیا ہے کہ ریپ متاثرہ کے کنبے کی دیکھ بھال کے لئے حکومت اس کے چچا کو ضمانت دلانے کے لئے قدم اٹھائے۔ اور انہیں بہتر علاج اور معاوضہ بھی دے۔ کانگریسیوں نے انتباہ دیا ہے کہ اگر ان کی بات نہیں مانی گئی تو وہ بڑے مظاہرہ کرنے کو مجبور ہوں گے۔
-----------
