معلوم رہے کہ ضلع کانپور میں برّا علاقے کے چمن سنگھ کے بیٹے سجیت یادو کو گذشتہ 22 جون کو اغوا کر لیا گیا تھا، اغوا کرنے والوں نے سجیت کی رہائی کے عوض 30 لاکھ روپئے کا مطالبہ بھی کیا تھا۔ باوجود اس کے اغوا کرنے والوں نے سجيت کا قتل کر دیا۔
اُترپردیش کانگریس کمیٹی کے صدر اجے کمار للو، سجیت یادو کے اہل خانہ سے ملاقات کے لیے پارٹی دفتر سے روانہ ہونے والے تھے، تبھی انہیں پولیس نے حراست میں لے لیا۔
اجے کمار کا کہنا ہے کہ 'مجھے سجيت کے اہل خانہ سے ملنے سے کوئی روک نہیں سکتا۔'
انہوں نے یوگی حکومت پر سخت تنقید کرتے ہوئے کہا کہ 'اُترپردیش میں جنگل راج قائم ہے۔ صوبے میں بڑھتے ہوئے جرائم کے خلاف کانگریسی کارکنان نے یوگی حکومت کے خلاف نعرہ بازی کرتے ہوئے منڈن کرا کر غم و غصہ کا اظہار کیا۔'
اس کے علاوہ سماج وادی پارٹی کے صدر و سابق وزیر اعلی اکھلیش یادو نے متاثرہ کنبے کو پانچ لاکھ روپے کی مالی امداد کا اعلان کیا تھا، جسے ریاستی صدر نریش اُتم نے سُجیت کے اہل خانہ کو پانچ لاکھ روپے کا چیک دیا۔
متاثرہ کنبے کا الزام ہے کہ پورا معاملہ پولیس کے علم میں آنے کے بعد پولیس ٹیم نے متاثرہ کنبے سے روپئے کا انتظام کر کے بدمعاشوں کے بتائے پتے پر پہنچانے کو کہا تھا تاکہ پولیس انہیں رنگے ہاتھوں گرفتار کرسکے۔
متاثرہ کنبے کا دعویٰ ہے کہ اس نے پولیس کے اشارے پر مطلوبہ رقم کا انتظام کر کے پولیس کے آنکھوں کے سامنے اغوا کرنے والوں کے حوالے کیا اور وہ بیگ میں بند رقم لے کر فرار ہوگئے جبکہ سجیت کو رہا بھی نہیں کیا۔
متاثرہ کنبے کا الزام ہے کہ، 'پورا معاملہ پولیس کے علم میں آنے کے بعد پولیس ٹیم نے متاثرہ کنبے سے روپئے کا انتظام کر کے بدمعاشوں کے بتائے پتے پر پہنچانے کو کہا تھا تاکہ پولیس انہیں رنگے ہاتھوں گرفتار کرسکے۔'
متاثرہ کنبے کا دعوی ہے کہ اس نے پولیس کے اشارے پر مطلوبہ رقم کا انتظام کر کے پولیس کے آنکھوں کے سامنے اغوا کرنے والوں کے حوالے کیا اور وہ بیگ میں بند رقم لے کر فرار ہوگئے جبکہ سجیت کو رہا بھی نہیں کیا بلکہ اس کا قتل کر دیا گیا۔
