کانگریس کی رکن اسمبلی اور لیجسلیچر پارٹی کی رہنما ارادھنا مشرا نے کہا کہ کانگریس کی صدر سونیا گاندھی نے صدر کو ایک خط لکھا ہے کہ ہر روز ایک کروڑ ویکسینیشن کو یقینی بنانا چاہیے تاکہ عوام کو کسی بھی قسم کی پریشانی کا سامنا نہ کرنا پڑے۔
انہوں نے یہ بھی کہا ہے کہ مودی سرکار مفت ٹیکہ لگانے میں ہر طرف سے ناکام ثابت ہو رہی ہے۔ ان سب کے درمیان سابق صدر راہول گاندھی ہر روز حکومت کو متنبہ کررہے ہیں۔ لیکن مودی اور یوگی حکومت ان کے مشوروں کو سننے کے لئے تیار نہیں ہیں۔
ہمارے ملک کی ویکسین دنیا کے 72 ممالک میں کیوں تقسیم کی گئی ہے اور اب اسی ویکسین کے لئے دنیا کے سامنے ہاتھ جوڑ کر التجا کر رہے ہیں اور وہ بھی جب بھارت کے وزیر خارجہ ایک ہفتہ کے لئے امریکہ میں کیمپ کر رہے تھے۔
اس کے بعد بھی امریکہ کے صدر بھارت کے وزیر اعظم سے بات کرنے کے لئے تیار نہیں تھے، جس کی وجہ سے انہیں نائب صدر امریکہ کے ساتھ بات کرنی پڑی۔ مودی حکومت کی غلط پالیسیوں کا خمیازہ آج ملک بھگت رہا ہے۔'
قبل ازیں مہا نگر کانگریس کمیٹی نوئیڈا کے صدر شہاب الدین کی سربراہی میں ارادھنا مشرا کا ڈی این ڈی پر گلدستہ دے کر کانگریس کارکنان نے پرتپاک استقبال کیا۔
اس دوران ریاستی سکریٹری گوتم بودھ نگر انچارج سنیل بشنوئی، میٹرو پولیٹن کے صدر شہاب الدین، سابق میٹرو پولیٹن صدر ونود پانڈے، سابق صدر مکیش یادو، اے آئی سی سی ممبر دنیش اوانا ، اتر پردیش کانگریس ممبر ستیندر شرما سمیت اقلیتوں کے ریاستی جنرل سکریٹری لیاقت چودھری موجود تھے۔
