اترپردیش حکومت میں وزیر سدھارتھ ناتھ سنگھ نے صحافیوں سے بات کرتے ہوئے کہا کہ اس قسم کی دھوکہ دہی کےلیے ہم کانگریس پارٹی کی مذمت کرتے ہیں۔
انہوں نے کہا کہ راہول گاندھی اور پرینکا گاندھی کی جانب سے کی گئی غلطی کےلیے سونیا گاندھی کو معافی مانگنی چاہئے۔ انہوں نے مائگرینٹ مزدوروں کے نام پر سیاست کرنے کا کانگریس پر الزام لگاتے ہوئے ملک سے معافی مانگنے کا مطالبہ کیا۔
اترپردیش کانگریس کے صدر اجئے کمار لالو نے یوگی حکومت کی جانب سے عائد کئے گئے الزامات کا جواب دیتے ہوئے کہا کہ ’شائد کچھ نمبرز غلط لکھے گئے ہوں لیکن مائگرینٹ لیبرس کی سہولت کےلیے پارٹی ایک ہزار بسیں مہیا کرانے کےلیے پرعزم ہے۔
واضح رہے کہ اترپردیش کانگریس نے پیر کے دن لکھنوں میں دعویٰ کیا کہ اس نے یوگی آدتیہ ناتھ حکومت کو ایک ہزار بسوں کی فہرست دی ہے۔ اجئے پرساد نے اعلان کیا تھا کہ ریاستی حکومت نے کانگریس جنرل سکریٹری پرینکا گاندھی کو بھیجے ایک مکتوب میں مائیگرینٹ ورکرس کےلیے ایک ہزار بسیں چلانے کی ان کی پیشکش کو قبول کرلیا ہے۔
