جھانسی میں کورونا کے پہلے مریض کی تصدیق

مہلک وبا کوروناوائرس نے ملک میں لاک ڈاؤن نافذ ہونے کے باوجود پورے ملک کو اپنی زد میں لیتا جارہا ہے اسی ضمن میں کوروناوائرس سے متاثر پہلے مریض کی تصدیق جھانسی میں کی گئی ہے۔

ریاست اترپردیش کے بندیل کھنڈے خطے کے ضلع جھانسی میں ایک شخص میں کوروناوائرس کی تصدیق ہوئی ہے، جبکہ ابھی تک جھانسی کورونا وائرس سے پاک تھا۔

ضلع مجسٹریٹ آندرا وامسی نے آج بتایا کہ اتوار کی رات 114 نمونوں کی موصول جانچ رپورٹ میں ایک شخص میں کورونا وائرس کی تصدیق ہوئی ہے۔

واضح رہے کہ متاثرہ شخص کوتوالی تھانہ علاقے کے اورچھا گیٹ کا رہنے والا ہے، جس کی عمر تقریباً 59 برس ہے۔

جھانسی میں ایک شخص میں کوروناوائرس کی تصدیق ہوئی ہے، جبکہ ابھی تک جھانسی کورونا وائرس سے پاک تھا

متاثرہ شخص کو میڈیکل کالج کے آئی سی یو میں داخل کرایا گیا ہے، اور وہاں اس کی حالت بہتر بتائی جاتی ہے۔

وہیں دوسری جانب انتظامیہ مریض کے رابطے میں آئے لوگوں کے بارے میں معلومات اکٹھا کرنے میں مشغول ہے۔

اس بیچ اورچھا گیٹ، سینر گیٹ اور سبھاش گنج کے باشندوں کو خصوصی احتیاط برتنے کی ہدایت دیتے ہوئے علاقوں کو سیل کردیا گیا ہے۔

خیال رہے کہ شہر گورکھپور کو اب تک کورونا وائرس سے پاک اضلاع شمار کیا جاتا تھا، لیکن اب کورونا وارئرس نے وہاں بھی دستک دے دی ہے، جہاں اتوار کی رات موصول ایک رپورٹ کی بنیاد پر ایک شخص کے اندر کورونا وائرس کی تصدیق کی گئی ہے۔