شاعر عاقل جونپوری کی یاد میں ایڈن پبلک اسکول کے کیمپس میں بوقتِ شب کنوینر پرویز عالم بھٹو کی جانب سے تعزیتی نشست کا انعقاد کیا گیا۔ نشست کی صدارت زیڈ کے فیضان خان ایڈوکیٹ سپریم کورٹ نے کی اور مہمان خصوصی معروف شاعر رہبر جونپوری رہے وہیں نظامت کے فرائض مظہر آصف نے انجام دیئے۔
واضح رہے کہ شاعر،صحافی،ادیب عاقل جونپوری کا گزشتہ دنوں پہلے مختصر علالت کے بعد انتقال ہو گیا تھا آج ان کی یاد میں بمقام ایڈن پبلک اسکول عمران گنج کے کیمپس میں تعزیتی نشست کا انعقاد کیا گیا جہاں مقررین نے اپنےخیالات کا اظہار کیا اور شعراء نے کلام پڑھ کر مرحوم شاعر عاقل جونپوری کو خراجِ عقیدت پیش کیا۔
ای ٹی وی بھارت سے بات کرتے ہوئے کنوینر پرویز عالم بھٹو نے کہا کہ مرحوم بہت ہی شریفانہ انداز میں رہتے تھے میں جب بھی کسی پروگرام کا انعقاد کرتا تھا تو وہ میری دعوت پر ضرور حاضر ہوا کرتے تھے۔ وہ ایک اچھے شاعر کے ساتھ۔ساتھ قابل صحافی اور بہترین ںاظم بھی تھے ان کی کمی ادبی حلقوں میں ہمیشہ۔ہمیش محسوس ہوتی رہے گی۔
اس موقع پر شاعر غفران صبرحدی،ساجد اعظمی،شاعر سحر ایزدی،شاعر مصداق اعظمی،شاعر مشیر صبرحدی،ڈاکٹر نیر،محمد عبداللہ،ڈاکٹر نظرالاسلام،مولانا وحید وغیرہ موجود رہے۔
